Punalur News | Punalur Online | Punalur | പുനലൂര്‍ ന്യൂസ്‌ | Anchal News | Kerala News

കുട്ടിക്ക്‌ മരുന്ന് വാങ്ങാന്‍ പോയ ലയണ്സ് ക്ലബ്‌ പ്രസിഡന്റ് പ്രജിലിനെ തടഞ്ഞു നിര്‍ത്തി മദ്യപിച്ചു എന്നാരോപിച്ച് ഉപദ്രവിക്കുകയും പോലീസ്‌ സ്റ്റേഷനില്‍ അകാരണമായി തടഞ്ഞു വെച്ചതായും പരാതി.
പുനലൂര്‍ വൃന്ദാവനത്തില്‍ പ്രസന്നകുമാറിന്റെ മകന്‍ പുനലൂര്‍ പ്രജില്‍ പ്രസ്‌ ഉടമ പ്രജിലിനു ആണ് ഈ ദുര്യോഗം കുഞ്ഞിനു പനിക്ക് മരുന്ന് വാങ്ങാന്‍ മെഡിക്കല്‍ സ്റ്റോറില്‍ പോകുന്ന വഴിയില്‍ പുനലൂര്‍ എ.എസ്.ഐ വഴിയില്‍ തടഞ്ഞു നിര്‍ത്തുകയും മദ്യപിച്ചുണ്ടോ എന്ന് ചോദിക്കുകയും ജീവിതത്തില്‍ ഒരിക്കലും മദ്യപിച്ചിട്ടില്ല എന്ന് പറഞ്ഞ മറുപടി ഇഷ്ടപെടാതെ അസഭ്യം പറയുകയും കയ്കളില്‍ ശക്തമായി പിടിക്കുകയും പിടിച്ച ഭാഗത്ത് മുറിവ് ഉണ്ടായതായും പരാതിയില്‍ പറയുന്നു.
താന്‍ പുനലൂര്‍ ലയണ്സ് ക്ലബ്‌ പ്രസിഡന്റ് ആണെന്നും കുട്ടിക്ക്‌ പനി കലശല്‍ ആയതിനാല്‍ മദ്യപിച്ചിട്ടുണ്ടോ എന്ന് മെഡിക്കല്‍ പരിശോധന നടത്തി തന്നെ വിട്ടയക്കണം എന്ന് പറഞ്ഞത് കേള്‍ക്കാതെ പുനലൂര്‍ പോലീസ്‌ സ്റ്റേഷനില്‍ കൊണ്ട് പോകുകയും മൊബൈല്‍ ഫോണ്‍ പിടിച്ചു വാങ്ങി വെക്കുകയും അകാരണമായി തടഞ്ഞു വെച്ച് മാനസികമായി പീഡിപ്പിക്കുകയും ചെയ്തു.
വീട്ടില്‍ നിന്നും മരുന്ന് വാങ്ങാല്‍ പോയ പ്രജിലിനെ ഭാര്യ പല പ്രാവശ്യം വിളിക്കുകയും ഫോണ്‍ ബെല്‍ തുടരെ അടിച്ചു എന്നാല്‍ ഫോണില്‍ സംസാരിക്കാന്‍ എ.എസ്.ഐ അനുവദിച്ചില്ല.
തുടര്‍ന്ന് കുട്ടിക്ക് പനി കൂടുകയും കുട്ടിയെ ആശുപത്രിയില്‍ കൊണ്ട് പോകുകയും ചെയ്തു.
പ്രജിലിനെ രാത്രി രണ്ടു മണിക്കാണ് വിട്ടയച്ചത് എന്ന് ഡി.വൈ.എസ്.പിക്ക്‌ നല്‍കിയ പരാതിയില്‍ പറയുന്നു.