കുളത്തൂപ്പുഴയില്‍ മഴയില്‍ വീട് ഇടിഞ്ഞുവീണു

കു​ള​ത്തു​പ്പു​ഴ: മ​ഴ​ക്കും കാ​റ്റി​നും ശ​മ​നം ഉ​ണ്ട​യെ​ങ്കി​ലും കി​ഴ​ക്ക​ന്‍ മ​ല​യോ​ര മേ​ഖ​ല​യി​ല്‍ മ​ഴ​ക്കെ​ടു​തി​യ്ക്ക് കുറവില്ല. ഇവിടെ നാ​ശന​ഷ്ട​ങ്ങ​ള്‍ ഏ​റെ​യാ​ണ്. ക​ഴി​ഞ്ഞ ദി​വ​സം ഉ​ണ്ടാ​യ ശ​ക്ത​മാ​യ മ​ഴ​യി​ല്‍ കു​ള​ത്തു​പ്പു​ഴ​യി​ല്‍ വി​ധ​വ​യാ​യ വീ​ട്ട​മ്മ​യു​ടെ വീ​ട് പൂ​ര്‍​ണമാ​യും ഇ​ടി​ഞ്ഞു വീ​ണു. സാം​ന​ഗ​റി​ല്‍ നി​ജ ഭ​വ​നി​ല്‍ നി​ജ​യു​ടെ വീ​ടാ​ണ് നി​ലം​പോ​ത്തി​യ​ത്.
ആ​റു​മാ​സം മു​മ്ബ് ഭ​ര്‍​ത്താ​വ് മ​ര​ണ​പ്പെ​ട്ട നി​ജ അ​ഞ്ചും ഒ​ന്ന​ര ​വയസു​മു​ള്ള കു​ട്ടി​ക​ളു​മാ​യി ഇ​വി​ടെ ത​നി​ച്ചാ​യി​രു​ന്നു ത​ാമസം. ശ​ക്ത​മാ​യ മ​ഴ​യി​ല്‍ എ​ന്തോ ശ​ബ്ദം കേ​ട്ട് പു​റ​ത്തി​റ​ങ്ങി​യ​പ്പോ​ഴാ​ണ് വീ​ടി​ന്‍റെ ഒ​രു​ഭാ​ഗം പൂ​ര്‍​ണമാ​യും ഇ​ടി​ഞ്ഞു വീ​ഴു​ന്ന​ത് നി​ജ കാ​ണു​ന്ന​ത്. ഉ​ട​ന്‍ ത​ന്നെ കു​ട്ടി​ക​ളു​മാ​യി അ​ടു​ത്ത​ത വീ​ട്ടി​ല്‍ അ​ഭ​യം തേ​ടു​ക​യാ​യി​രു​ന്നു​. ബ​ന്ധു​വാ​യ അ​യ​ല്‍​വാ​സി​യു​ടെ വീ​ട്ടി​ലാ​ണ് ഇ​പ്പോ​ള്‍ താമസം.
ആ​കെ​യു​ണ്ടാ​യി​രു​ന്ന വീ​ടു​കൂ​ടി നി​ലം പൊ​ത്തി​യ​തോ​ടെ ഇ​നി എ​ന്ത് ചെ​യ്യും എ​ന്ന നി​സ​ഹാ​യ​വ​സ്ഥ​യി​ലാ​ണ് നി​ജ. എ​ന്തെ​ങ്കി​ലും ത​ര​ത്തി​ല്‍ സ​ര്‍​ക്കാ​ര്‍ സ​ഹാ​യം ല​ഭ്യ​മാ​കു​മെ​ന്ന പ്ര​തീ​ക്ഷ​യി​ലാ​ണ് ഈ ​നി​ര്‍​ധ​ന കു​ടും​ബം.