പുനലൂര്‍:ശബരിമലയില്‍ എല്ലാ പ്രായത്തിലുള്ള സ്ത്രീകളുടെയും പ്രവേശനം അനുവദിച്ചു കൊണ്ടുള്ള സുപ്രീംകോടതി വിധി നടപ്പിലാക്കിയില്ലെങ്കില്‍ ദളിതര്‍ പ്രക്ഷോഭവുമായി രംഗത്ത് വരും എന്ന് കെ.പി.എം.എസ് രക്ഷാധികാരി പുന്നല ശ്രീകുമാര്‍ പുനലൂര്‍ ന്യുസിനോട് പറഞ്ഞു.
സുപ്രീംകോടതി വിധി കേരളത്തില്‍ ശ്രീനാരായണഗുരു തുടങ്ങിവച്ച സാമൂഹ്യ നവോത്ഥാനത്തിന്റെ തുടര്‍ച്ചയാണ്. ദേവസ്വം ബോര്‍ഡിലെ പട്ടികജാതിക്കാരുടെ ഭരണ സാരഥ്യം,അബ്രാഹ്മണ ശാന്തിക്കാരുടെ നിയമനം തുടങ്ങിയവയെ എതിര്‍ത്ത സവര്‍ണ്ണ ഹിന്ദുത്വ ശക്തികള്‍ സ്ത്രീപ്രവേശന വിഷയത്തിലും രാഷ്ട്രീയം കളിക്കുകയാണ്.
യാഥാസ്ഥിതികരെ മുറിവേല്‍പ്പിക്കാതെ ഒരു സാമൂഹ്യമാറ്റവും ഉണ്ടായിട്ടില്ല. ശബരിമല വിധി നടപ്പാക്കാന്‍ വൈകിയാല്‍ ദളിത് പ്രക്ഷോഭം സംഘടിപ്പിക്കുമെന്നും പുന്നല ശ്രീകുമാര്‍ പറഞ്ഞു. സര്‍ക്കാര്‍ സുപ്രീം കോടതി വിധി നടപ്പാക്കണം എന്ന് അദ്ദേഹം നേരത്തെ ആവശ്യപ്പെട്ടിരുന്നു.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ