ശബരിമല പ്രശ്നം കേന്ദ്ര, സംസ്ഥാന സർക്കാരുകൾ നിരുത്തരവാദിത്തപരമായാണ് പ്രവർത്തിക്കുന്നു ഭാരതീപുരം ശശി

പുനലൂർ: ശബരിമല സ്ത്രീപ്രവേശവുമായി ബന്ധപ്പെട്ടു കേന്ദ്ര, സംസ്ഥാന സർക്കാരുകൾ നിരുത്തരവാദിത്തപരമായാണ് പ്രവർത്തിക്കുന്നതെന്ന് കെ.പി.സി.സി ഉപാധ്യക്ഷൻ ഭാരതീപുരം ശശി. പുനലൂർ നിയോജകമണ്ഡലം യു.ഡി.എഫ് ജനറൽ ബോഡി യോഗം ഉദ്ഘാടനം ചെയ്യുകയായിരുന്നു. ശബരിമല ക്ഷേത്രത്തിന്റെ ആചാരങ്ങൾക്കും അനുഷ്ഠാനങ്ങൾക്കും എതിരായുള്ള സുപ്രീം കോടതി വിധിക്കെതിരെ വിശ്വാസികളോടൊപ്പം സമര രംഗത്തേക്കു കടന്നുവരാനും റിവ്യൂ ഹർജി നൽകാനും കോൺഗ്രസും യു.ഡി.എഫും എടുത്ത നിലപാട് സ്വാഗതാർഹമാണെന്നും പറഞ്ഞു.
ചെയർമാൻ കരിക്കത്തിൽ പ്രസേനൻ അധ്യക്ഷത വഹിച്ചു. എസ്.താജുദ്ദീൻ, എം.നാസർഖാൻ, ജോസഫ് മാത്യു, ഏറം ജലാലുദ്ദീൻ, കെ.എ.കലാം, റോയി ഉമ്മൻ, വർഗീസ്, അടൂർ എൻ.ജയപ്രസാദ്, അമ്മിണി രാജൻ, ഗീതാകുമാരി, ഇടമൺ ഇസ്മായിൽ, ജി.ജയപ്രകാശ്, സുകുമാരൻ, ശ്രീകുമാർ, കൊച്ചുമ്മച്ചൻ, ഏബ്രഹാം മാത്യു, എ.എ. ബഷീർ, പ്രിൻസ്, ബേബി മാത്യു തുടങ്ങിയവർ പ്രസംഗിച്ചു.
ബ്രൂവറി – ഡിസ്റ്റിലറി അഴിമതി, ദുരിതാശ്വാസ പ്രവർത്തനങ്ങളിലെ പാളിച്ച, പെട്രോൾ – ഡീസൽ വിലവർധന, സാലറി ചലഞ്ച് എന്നീ കേന്ദ്ര – സംസ്ഥാന സർക്കാരുകളുടെ ജനദ്രോഹ നടപടികളിൽ പ്രതിഷേധിച്ചു യു.ഡി.എഫ് കമ്മിറ്റിയുടെ നേതൃത്വത്തിൽ പുനലൂർ കെ.എസ്.ആർ.ടിസി ജംക്‌ഷനിൽ 11നു സായാഹ്‌ന ധർണ നടത്താൻ യോഗം തീരുമാനിച്ചു.