ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

വാളക്കോട് ഗാബിയന്‍ ഭിത്തി നിര്‍മ്മാണവും ക്രാഷ് ബാരിയര്‍ നിര്‍മ്മാണവും പൂര്‍ത്തിയായി


പുനലൂർ∙ കൊല്ലം – തിരുമംഗലം ദേശീയപാതയിൽ വാളക്കോട് സംരക്ഷണ ഭിത്തി തകർന്ന ഭാഗത്ത് ദേശീയപാതയുടെ വശത്തെ സംരക്ഷിക്കാൻ നിർമ്മിച്ച ഗാബിയൻ സംരക്ഷണ ഭിത്തി നിർമ്മാണം പൂർത്തിയായി.കൂടാതെ ഗാബിയൻ ഭിത്തിയോട് ചേർന്ന് ദേശീയ പാതയുടെ വശത്തുള്ള  മണ്ണ് ഇടീൽ പൂര്‍ത്തിയായി ഒപ്പം ക്രാഷ് ബാരിയര്‍ സ്ഥാപിച്ചു സുരക്ഷിതമാക്കി. കൂറ്റൻ മൺതിട്ട റെയിൽപാതയിലേക്ക് ഇടിയുന്നത് കാരണം ദേശീയ പാതയ്ക്കും, തീവണ്ടി ഗതാഗതത്തിനും അപകട ഭീഷണിയായിരുന്ന സ്ഥലത്ത് 110 മീറ്റർ ദൂരത്തിലാണ് ഗാബിയന്‍ സംരക്ഷണഭിത്തി നിർമ്മിച്ചത്.
ഇതിനായി ദേശീയപാത വിഭാഗം 3 കോടിയാണ് ചെലവിട്ടത്. 8 മീറ്റർ ആണ് ഗാബിയൻ ഭിത്തിയുടെ ഉയരം. 7 മാസം മുമ്പാണ് ഇതിന്റെ നിർമ്മാണം തുടങ്ങിയത്.പാറക്ഷാമം ഗാബിയന്‍ ഭിത്തി നിര്‍മ്മാണത്തെ പ്രതിസന്ധിയിലാക്കിയിരുന്നു.പാറകൊണ്ടുള്ള സംരക്ഷണഭിത്തി തകരാതിരിക്കാൻ കമ്പി വലകൾ കൊണ്ട് ബലപ്പെടുത്തിയാണ് ഭിത്തി നിർമ്മിക്കുന്നത്.പാറ യന്ത്രസഹായത്താൽ ചെറുകഷണങ്ങളാക്കി കമ്പി വലകൾ ചതുര രൂപത്തിലാക്കി അതിനുള്ളിൽ തൊഴിലാളികൾ പാറ അടുക്കിയാണ് ഭിത്തി നിർമ്മിച്ചത്. ചരക്കു ലോറികളും ബസുകളും ഉൾപ്പടെ നൂറുകണക്കിന് വാഹനങ്ങൾ കടന്നു പോകുന്ന പാതയാണിത്.

എന്താണ് ഗാബിയന്‍ ഭിത്തി
ഇരുമ്പ് വലയ്ക്കുള്ളില്‍ കല്ലുകള്‍ അടുക്കി നിര്‍മിക്കുന്ന ഭിത്തികളാണ് ഗാബിയന്‍. ഗാബിയ, കാവിയ എന്നീ ലത്തീന്‍ വാക്കുകളില്‍നിന്നാണ് ഗാബിയന്‍ രൂപം കൊണ്ടത്. വലിയ കൂട് എന്നാണ് ഈ വാക്കുകളുടെ അര്‍ഥം. വിവിധ ആകൃതികളില്‍ ഇരുമ്പ് കൂട് നിര്‍മിച്ച്‌ അതിനുള്ളില്‍ പാറക്കല്ല് അടുക്കി നിര്‍മിക്കുന്നെന്നാണ് ഇതുകൊണ്ട് ഉദ്ദേശിക്കുന്നത്.
ലോഹ വേലിക്കുള്ളിലായതിനാല്‍ ഭിത്തി ഇടിയുന്നതിനെ തടയാമെന്നത് ഈ നിര്‍മാണവിദ്യയുടെ മെച്ചമാണ്. അണക്കെട്ടുകളുടേതുപോലെ വലിയ ഉയരത്തിലുള്ള ഭിത്തികള്‍ നിര്‍മിക്കാന്‍ ഗാബിയന്‍ ശൈലി ഉപയോഗിച്ചുവരുന്നു. വിദേശരാജ്യങ്ങളില്‍ ഏറെ പ്രചാരത്തിലുള്ള നിര്‍മാണശൈലിയാണിത്.
Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.