അമ്മയുടെ സഹോദരിയെ ബലാത്സംഗം ചെയ്ത 55കാരനെ കുന്നിക്കോട് പോലീസ് അറസ്റ്റ് ചെയ്തു

ബലാത്സംഗക്കേസിൽ 55കാരനെ കുന്നിക്കോട് പോലീസ് അറസ്റ്റ് ചെയ്തു. അമ്മയുടെ സഹോദരിയെ ബലാത്സംഗം ചെയ്ത കേസിലാണ് പ്രതി പിടിയിലാകുന്നത് 70 വയസ്സു പ്രായമുള്ള അമ്മയുടെ സഹോദരിയെ ബലാൽസംഗം ചെയ്ത 55 കാരനായ കമുകുംചേരി അരുവിത്തുറ വീട്ടിൽ രാമൻറെ മകൻ ഭാസ്കരനാണ് അറസ്റ്റിലാവത് . ഏപ്രിൽ 14 നാണ് സംഭവം. കമുകുംചേരി അമ്പലത്തിലെ ഉത്സവത്തോടനുബന്ധിച്ചുള്ള രാത്രിയിലാണ് ആണ് കേസിന് ആധാരമായ സംഭവം നടക്കുന്നത്. സംഭവത്തിനുശേഷം ഭയന്ന വയോധിക പത്തനാപുരം ഗാന്ധിഭവനിൽ അഭയം തേടുകയായിരുന്നു എന്ന് പോലീസ് പറഞ്ഞു.എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ എസ്.പി കുന്നിക്കോട് സി ഐയെ അന്വേഷണം ഏൽപ്പിക്കുകയും തുടർന്ന് പോലീസ് ഗാന്ധിഭവനിൽ അഭയംതേടിയ വയോധികയെ കാണുകയും ലഭിച്ച മൊഴിയുടെ അടിസ്ഥാനത്തിലാണ് പ്രതിയെ കുന്നിക്കോട് പോലീസ് അറസ്റ്റ് ചെയ്തത്. ചോദ്യം ചെയ്യലിൽ പ്രതി കുറ്റം സമ്മതിച്ചതായി പോലീസ് പറഞ്ഞു . കുന്നിക്കോട് സർക്കിൾ ഇൻസ്പെക്ടർ പി എസ് സുജിത്ത് എസ്ഐ ജോയ് സിവിൽ പോലീസ് ഓഫീസർമാരായ ബിന്ദു ലാൽ , രാഹുൽ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കി കോടതി പ്രതിയെ റിമാൻഡ് ചെയ്തു