കൊട്ടാരക്കര : ഓടിക്കേണ്ട സമയക്രമങ്ങളും, മറ്റു നിയമങ്ങളും ലംഘിച്ച 25 ടിപ്പർ ലോറികൾ കൊല്ലം റൂറൽ ജില്ലാ പോലീസ് പിടികൂടി. രാവിലെ 8:30 മുതൽ 10:00 മണിവരെയും വൈകുന്നേരം 3:30 മുതൽ 4:30 വരെയുമുള്ള സ്കൂൾ സമയങ്ങളിൽ ടിപ്പറുകളുടെ ഓട്ടത്തിന് നിയന്ത്രണം ഏർപ്പെടുത്തിയിട്ടുള്ളതാണ്. ആയത് ലംഘിച്ചതിനും മറ്റ് നിയമങ്ങൾ പാലിക്കാത്തതിനും കൊല്ലം റൂറൽ ജില്ലയിൽ ഇന്ന് (25.07.2019) നടത്തിയ സ്പെഷ്യൽ ഡ്രൈവിന്റെ ഭാഗമായി വിവിധ പോലീസ് സ്റ്റേഷനുകളിൽ 25 കേസുകൾ രജിസ്റ്റർ ചെയ്തു. ടിപ്പറുകളുടെ നിയമ ലംഘനത്തിനെതിരെ വരും ദിവസങ്ങളിലും കര്‍ശന നടപടികൾ സ്വീകരിക്കുമെന്നു ജില്ലാ പോലീസ് മേധാവി ശ്രീ ഹരിശങ്കർ ഐ.പി.എസ് അറിയിച്ചു.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ