പൂയപ്പള്ളി: കാളവയൽ സ്വദേശിയായ ഫസദ് എന്നയാളെ സംഘം ചേർന്ന് വീട്ടിൽ കയറി ക്രൂരമായി മർദ്ദിച്ചു കൊലപ്പെടുത്താന്‍ ശ്രമിക്കുകയും ഫസദിന്റെ മാതാപിതാക്കളെ ആക്രമിക്കുകയും ചെയ്ത കേസിലെ പ്രതികളിൽ ഒരാളായ ഓയൂർ അടയറ സുധീർ മൻസിലിൽ സുധീറിന്റെ മകൻ സജിൻ ഷാ (18) പൂയപ്പള്ളി പോലീസിന്റെ പിടിയിൽ. ഈ കേസിലെ രണ്ട് പ്രതികളെ പൂയപ്പള്ളി പോലീസ് നേരത്തെ അറസ്റ്റ് ചെയ്തിരുന്നു. പൂയപ്പള്ളി എസ്.എച്ച്.ഒ വിനോദ് ചന്ദ്രന്റെ നേതൃത്വത്തിൽ എസ്.ഐ രാജേഷ് കുമാർ, എ.എസ്.ഐ ബേബിജോൺ എസ്.സി.പി.ഒ മാരായ ബിജു .എൻ.ജി, ഗോപൻ, ഷിബു അനിരുദ്ധൻ എന്നിവർ ചേർന്നാണ് ഇയാളെ അഞ്ചലിൽ നിന്നും അറസ്റ്റ് ചെയ്തത്. ഇയാൾ മുൻപ് കൊലപാതക ശ്രമക്കേസിൽ പൂയപ്പള്ളി സ്റ്റേഷനിൽ അറസ്റ്റിലായിട്ടുള്ള ആളാണ്.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ