പുന്നല ഇടതുകര കനാല്‍ പുറമ്പോക്കിലെ കൃഷി നശിപ്പിച്ചതായി പരാതി
കൊല്ലം പുന്നല ഇടതുകര കനാല്‍ പുറമ്പോക്കിലെ കൃഷി നശിപ്പിച്ചതായി പരാതി
ഒരാഴ്ച മുമ്പാണ് സംഭവം പുന്നല സഫിയ മന്‍സിലില്‍ ജമീലയുടെ കൃഷിയാണ് അയല്‍വാസിയായ സി.പി.എമ്മിന്റെ മുന്‍ ഏരിയ സെക്രട്ടറിയുടെ ഭാര്യ തൊഴിലുറപ്പ്‌ കണ്‍വീനര്‍ കൊച്ചുവിളയില്‍ ഉഷാകുമാരി നശിപ്പിച്ചതായി പരാതിയുള്ളത് .
വാഴ,മരച്ചീനി,പച്ചക്കറി കൃഷികളും കൃഷിയിടത്തെ വേലിയും പൂര്‍ണ്ണമായി വെട്ടി നശിപ്പിച്ചു.ചോദ്യം ചെയ്യാന്‍ ചെന്ന ജമീലയെ വടി കൊണ്ട് അടിക്കുകയും കല്ല്‌ എടുത്തെറിഞ്ഞു പരുക്കേല്‍പ്പിക്കുകയും ചെയ്തതായി പറയുന്നു.
തരിശ് കിടന്ന കനാല്‍ പുറമ്പോക്ക്‌ സ്ഥലം കൃഷി ചെയ്യുവാനായി ആറുവര്‍ഷം മുമ്പ്‌ ജമീലയുടെ ഭര്‍ത്താവിനു നല്‍കിയതായി ഏരിയ സെക്രട്ടറിയുടെ ഭാര്യ പറഞ്ഞു.എന്നാല്‍ ജമീല ഈ വാദം തള്ളി കാട് പിടിച്ചു കിടന്ന കനാല്‍ സ്ഥലം വെട്ടിത്തെളിച്ച് കഴിഞ്ഞ ഒന്‍പത് വര്‍ഷമായി കൃഷി ചെയ്യുകയാണെന്ന് ജമീല പറഞ്ഞു.ഏകദേശം മുപ്പതിനായിരം രൂപയുടെ കൃഷി നശിപ്പിച്ചതായി പറയുന്നു.
കൃഷി നശിപ്പിച്ചു എന്ന പരാതി അറിഞ്ഞെത്തിയ വാര്‍ത്താ മാധ്യമങ്ങള്‍ക്ക് മുമ്പില്‍ പ്രതികരിക്കുവാന്‍ ഉഷ തയ്യാറായില്ല.പോലീസില്‍ പരാതി നല്‍കിയെന്നും പറയാനുള്ളത് പോലീസില്‍ പറഞ്ഞോളാം എന്നുമായിരുന്നു പ്രതികരണം.
പത്തനാപുരം പോലീസില്‍ ഒരാഴ്ച മുമ്പ്‌ ജമീല പരാതി നല്‍കി എങ്കിലും പോലീസ്‌ ഇതുവരെയും തിരിഞ്ഞു നോക്കിയില്ല.രാഷ്ട്രീയ സ്വാധീനത്താല്‍ പത്തനാപുരം പോലീസ്‌ തിരിഞ്ഞു നോക്കാത്തതിനാല്‍ ഉന്നത അധികാരികള്‍ക്ക് പരാതി നല്‍കുവാനുള്ള തയ്യാറെടുപ്പിലാണ് ജമീല.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ