പുനലൂര്‍ കലയനാട് പാര്‍വതി ഭവനില്‍ നിത്യനന്ദന്റെ മകന്‍ ഷിബു (50)വിനാണ് പരുക്കേറ്റത്.ഇന്നലെ രാത്രി 8:30 നാണ് സംഭവം ബൈക്കില്‍ കലയനാട് നിന്ന് ശാലേ ജംഗ്ഷനിലുള്ള വീട്ടിലേക്ക് പോകും വഴിക്കാണ് സംഭവം.
റോഡിന്റെ വശത്തുള്ള കൃഷിയിടത്തിലെ വിളകള്‍ നശിപ്പിച്ചു കൊണ്ടിരിന്ന കാട്ടുപന്നി പെട്ടെന്ന് ഷിബുവിന്റെ നേര്‍ക്ക്‌ തിരിയുകയായിരുന്നു.
സഞ്ചരിച്ച ബൈക്കിനെ ആക്രമിക്കുകയും കാലിനു പരുക്കേറ്റു നിയന്ത്രണം തെറ്റി ഇരുചക്രവാഹനത്തില്‍ നിന്നും റോഡിലേക്ക് തെറിച്ചു വീണ ഷിബുവിനെ വീണ്ടും പന്നി ആക്രമിക്കുകയും നിലവിളി കേട്ട് സമീപത്തുള്ള കൃഷിയിടത്തെ കാവല്‍ക്കാരനും നാട്ടുകാരും എത്തിയാണ് പന്നിയെ വിരട്ടി ഓടിച്ചു ഷിബുവിനെ രക്ഷിച്ചത്.
കാല്‍പാദത്തിനും,കാല്‍മുട്ടിനും,ഇരുകൈകള്‍ക്കും താടിക്കും ഗുരുതരമായി പരുക്കേറ്റ
ഷിബുവിലെ ഉടന്‍ തന്നെ പുനലൂര്‍ താലൂക്ക് ആശുപത്രിയിലേ അത്യാഹിത വിഭാഗത്തില്‍ പ്രവേശിപ്പിച്ചു ചികില്‍സ നല്‍കി.
കിഴക്കന്‍ മലയോര മേഖലകളില്‍ വന്യമൃഗങ്ങളുടെ ആക്രമണവും വ്യാപകമായ നിലയില്‍ കൃഷിനാശവും മൂലം പ്രദേശവാസികള്‍ ദുരിതത്തിലാണ്.
ഒരു അഭിപ്രായം പോസ്റ്റ് ചെയ്യൂ
ഒരു അഭിപ്രായം പോസ്റ്റ് ചെയ്യൂ