TRANSLATE YOUR OWN LANGUAGE

ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

കൊല്ലം - സമ്പൂര്‍ണ പത്താംതരം തുല്യതയിലേക്ക്;

  • രാജ്യത്തെ ആദ്യ സമ്പൂര്‍ണ പത്താംതരം തുല്യതാ ജില്ലയാകും
സംസ്ഥാന സാക്ഷരതാ മിഷനും കുടുംബശ്രീ മിഷനും സംയുക്തമായി നടപ്പിലാക്കുന്ന സമ പദ്ധതിയുടെ ഭാഗമായി അടുത്ത മൂന്ന് വര്‍ഷം കൊണ്ട് കൊല്ലം ജില്ല രാജ്യത്തെ ആദ്യ സമ്പൂര്‍ണ പത്താംതരം വിജയിച്ചവരുടെ ജില്ലയായി മാറും. ജില്ലാ പഞ്ചായത്ത് പ്രസിഡന്റിന്റെ അധ്യക്ഷതയില്‍ കൂടിയ ജില്ലാ സാക്ഷരതാ മിഷന്‍ യോഗത്തിന്റേതാണ് തീരുമാനം. ഇതിന്റെ ആദ്യപടിയായി ഈ വര്‍ഷം കൂടുംബശ്രീ മിഷന്‍  സര്‍വ്വേ സംഘടിപ്പിക്കുകയും അയല്‍ക്കൂട്ടങ്ങളില്‍ നിന്ന് മാത്രം ഈ വര്‍ഷം 5000 പേരെ രജിസ്റ്റര്‍ ചെയ്യുകയും ചെയ്യും.
സാക്ഷരതാ മിഷന്‍ നടത്തുന്ന രജിസ്‌ട്രേഷന് പുറമേയാണിത്. രജിസ്റ്റര്‍ ചെയ്യുന്ന മുഴുവന്‍ ഭിന്നശേഷിക്കാര്‍ക്കും  ആവശ്യമായ സാമ്പത്തിക സഹായം സാമൂഹ്യനീതി വകുപ്പ് നല്‍കും. തദ്ദേശ സ്വയംഭരണ വകുപ്പിന്റെ സഹായത്തോടെ നടപ്പിലാക്കുന്ന ഈ പരിപാടി മൂന്ന് വര്‍ഷം കൊണ്ട് പൂര്‍ത്തിയാകുന്ന  സംയോജിത പദ്ധതിയാണ്. ജില്ലാ പഞ്ചായത്ത് പ്രസിഡന്റ് സി രാധാമണി അധ്യക്ഷയായ യോഗത്തില്‍ വൈസ് പ്രസിഡന്റ് എസ് വേണുഗോപാല്‍, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ ശ്രീലേഖ വേണുഗോപാല്‍, കെ രമാദേവി എന്നിവരും വിവിധ ജില്ലാതല ഉദ്യോഗസ്ഥമാരും പങ്കെടുത്തു.
ജില്ലാ ഭരണകൂടത്തിന്റെ നേതൃത്വത്തില്‍ നടക്കുന്ന സമ പരിപാടിക്ക് ജില്ലാ സാക്ഷരതാ മിഷന്‍ കോ-ഓര്‍ഡിനേറ്റര്‍, കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍, വിദ്യാഭ്യാസ ഉപഡയറക്ടര്‍, ജില്ലാ സാമൂഹ്യനീതി ഓഫീസര്‍, പട്ടികജാതി, പട്ടികവര്‍ഗ ജില്ലാ ഓഫീസര്‍മാര്‍, മഹാത്മഗാന്ധി തൊഴിലുറപ്പ് പദ്ധതി ജില്ലാ മിഷന്‍ കോ-ഓര്‍ഡിനേറ്റര്‍ എന്നിവര്‍ ഉള്‍പ്പെട്ട ജില്ലാതല ഏകോപനത്തിന് പ്രത്യേകം സമിതിയേയും യോഗം ചുമതലപ്പെടുത്തി. ജില്ലാ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്റെ നേതൃത്വത്തില്‍ പദ്ധതി അവലോകനം ചെയ്യും.
യോഗത്തില്‍ ജില്ലാ സാക്ഷരതാ മിഷന്‍ കോ-ഓര്‍ഡിനേറ്റര്‍ സി കെ പ്രദീപ് കുമാര്‍, അസിസ്റ്റന്റ് കോ-ഓര്‍ഡിനേറ്റര്‍മാരായ ഡി ശാന്ത, അജിത്കുമാര്‍ തുടങ്ങിയവരും പങ്കെടുത്തു.
Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.