വന്യജീവി വാരാഘോഷം - 2019 വിദ്യാര്‍ഥികള്‍ക്കായുള്ള മത്സരങ്ങള്‍

ജില്ലാതലത്തിലും സംസ്ഥാനതലത്തിലും ഓരോ മത്സരയിനത്തിലെയും ആദ്യ മൂന്നു സ്ഥാനം നേടുന്നവര്‍ക്ക് ക്യാഷ് അവാര്‍ഡും സര്‍ട്ടിഫിക്കറ്റും നല്‍കും.  ജില്ലാതല മത്സരങ്ങളില്‍ ഒന്നാം സമ്മാനം നേടുന്നവര്‍ക്ക് ക്യാഷ് അവാര്‍ഡിനും സര്‍ട്ടിഫിക്കറ്റിനും പുറമെ റോളിംഗ് ട്രോഫിയും നല്‍കും. സംസ്ഥാനതല മത്സരങ്ങളില്‍ പങ്കെടുക്കുന്നവര്‍ക്കും അനുഗമിക്കുന്ന ഒരു രക്ഷകര്‍ത്താവിനും ഭക്ഷണവും താമസ സൗകര്യവും, സ്ലീപ്പര്‍ ക്ലാസ് യാത്രാചെലവും നല്‍കും. സംസ്ഥാനതല മത്സരങ്ങള്‍ തിരുവനന്തപുരത്ത് നടക്കും.
വിശദ വിവരങ്ങള്‍ ജില്ലാ സോഷ്യല്‍ ഫോറസ്ട്രി വിഭാഗം അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ ഓഫീസിലും(0474-2748976, 9447979132) സംസ്ഥാന ചീഫ് വൈല്‍ഡ് വാര്‍ഡന്റെ ഓഫീസിലും(0471-2529335, 2529303) www.forest.kerala.gov.in     വെബ്‌സൈറ്റിലും ലഭിക്കും.

വന്യജീവി വാരാഘോഷം - 2019 പോസ്റ്റര്‍ രചനാ മത്സരംവന്യജീവി വാരാഘോഷത്തോടനുബന്ധിച്ച് വനം വകുപ്പ് വന്യജീവി സംരക്ഷണ സന്ദേശം ജനങ്ങളിലെത്തിക്കുന്നതിന് പൊതുജനങ്ങള്‍ക്കായി                  പോസ്റ്റര്‍ രചനാ മത്സരം സംഘടിപ്പിക്കും.
വാട്ടര്‍ കളര്‍, പോസ്റ്റര്‍, അക്രിലിക് എന്നീ മാധ്യമങ്ങളേതെങ്കിലും ഉപയോഗിച്ച് പോസ്റ്ററുകള്‍ എ3 വലിപ്പത്തിലുള്ള പേപ്പറില്‍ ലാന്‍സ് സ്‌കേപ്പ് ആയി രൂപകല്‍പ്പന ചെയ്യണം. അല്ലാത്തവ പരിഗണിക്കില്ല. ആകര്‍ഷകവും ചിന്തനീയവുമായ ജൈവവൈവിധ്യ സംരക്ഷണ സന്ദേശം പൊതുജങ്ങളില്‍ എത്തിക്കുന്നതിന് ഉതകുന്ന വിഷയം തിരഞ്ഞെടുക്കണം.
അപേക്ഷ അയക്കുന്ന കവറിനു പുറത്ത് പോസ്റ്റര്‍ രചനാ മത്സരം 2019 എന്ന്   രേഖപ്പെടുത്തണം. എന്‍ട്രി അയയ്ക്കുന്ന ആളിന്റെ പൂര്‍ണ മേല്‍വിലാസവും, ഫോണ്‍ നമ്പരും രേഖപ്പെടുത്തിയ കുറിപ്പും ഉള്ളടക്കം ചെയ്യണം. പോസ്റ്ററുകളില്‍ രചയിതാവിനെ തിരിച്ചറിയാന്‍ സാധിക്കുന്ന വിലാസമോ അടയാളമോ രേഖപ്പെടുത്തരുത്. ഒന്നും രണ്ടും മൂന്നും സ്ഥാനങ്ങള്‍ ലഭിക്കുന്ന പോസ്റ്ററുകള്‍ക്ക്  യഥാക്രമം 5000, 3000, 1500 രൂപ വീതം സമ്മാനമായി ലഭിക്കും.
എന്‍ട്രികള്‍ ഡെപ്യൂട്ടി ഫോറസ്റ്റ് കണ്‍സര്‍വേറ്റര്‍ (വൈല്‍ഡ് ലൈഫ്), ഫോറസ്റ്റ് ഹെഡ് ക്വാര്‍ട്ടേഴ്‌സ്, വഴുതക്കാട്, തിരുവനന്തപുരം - 695014 വിലാസത്തില്‍ സെപ്റ്റംബര്‍ 30 വരെ സമര്‍പ്പിക്കാം.
വിശദ വിവരങ്ങള്‍ 0471-2529335, 2529303, 2529319 എന്നീ നമ്പരുകളിലും www.forest.kerala.gov.in     വെബ് സൈറ്റിലും ലഭിക്കും.


വന്യജീവി വാരാഘോഷം - 2019 വന്യജീവി ഫോട്ടോഗ്രഫി മത്സരംവന്യജീവി വാരാഘോഷത്തോടനുബന്ധിച്ച് വനം വകുപ്പ് വന്യജീവി ഫോട്ടോഗ്രഫി മത്സരം സംഘടിപ്പിക്കും. www.forest.kerala.gov.in  വെബ്‌സൈറ്റിലെ Wildlife Photography Contest   2019 ലിങ്കിലൂടെ സെപ്തംബര്‍ 30 വൈകിട്ട് അഞ്ചുവരെ ഫോട്ടോകള്‍ സമര്‍പ്പിക്കാം.  പരമാവധി എട്ട് മെഗാ ബൈറ്റുളള, നീളം കൂടിയ വശത്ത് കുറഞ്ഞത് 3000 പിക്‌സലിലുള്ള കേരളത്തിലെ വന  മേഖലകളില്‍ നിന്നും ചിത്രീകരിച്ച വന്യജീവി ഫോട്ടോകളാണ് അയക്കേണ്ടത്.  ഒരാള്‍ക്ക് അഞ്ച് ഫോട്ടോകള്‍ വരെ സമര്‍പ്പിക്കാം.  ഒന്നും രണ്ടും മൂന്നും സ്ഥാനങ്ങള്‍ നേടുന്ന എന്‍ട്രികള്‍ക്ക് ക്യാഷ് അവാര്‍ഡും സര്‍ട്ടിഫിക്കറ്റും ലഭിക്കും.  മത്സരം സംബന്ധിച്ച നിബന്ധനകളും വിശദ വിവരങ്ങളും വെബ്‌സൈറ്റില്‍ ലഭ്യമാണ്.