മെഡലുകള്‍ വാരിക്കൂട്ടി എന്നാല്‍ തുടര്‍പരിശീലനത്തിനും പഠനത്തിനും മാര്‍ഗ്ഗമില്ലാതെ സനില്‍

അംഗീകാരങ്ങളും മെഡലുകളും വാരിക്കൂട്ടി കായികതാരം എന്നാല്‍ തുടര്‍പരിശീലനത്തിനും പഠനത്തിനും മാര്‍ഗ്ഗമില്ലാതെ സനില്‍ ചാലിയക്കര ഉപ്പുകുഴി കമ്പിലൈനില്‍ സനില്‍ ഭവനില്‍ സനില്‍ കേരളത്തിനു ഒരു പക്ഷെ ഇന്ത്യക്ക്‌ തന്നെ പ്രതീക്ഷ നല്‍കുന്ന കായിക താരം ആണ്.പ്രതികൂല സാഹചര്യത്തില്‍ പോലും ഈ യുവാവ് കായിക മല്‍സരങ്ങളില്‍ വാരിക്കൂട്ടിയ സര്‍ട്ടിഫിക്കറ്റുകളും,മെഡലുകളും നിരവധിയാണ്. രാത്രിയില്‍ ആന ഇറങ്ങുന്ന മാമ്പഴത്തറ വനം തുടങ്ങുന്ന ഉപ്പുകുഴിയില്‍ വനപ്രദേശത്തിന്റെ തുടക്കത്തില്‍ താമസിക്കുന്ന സനിലിന്റെ വീടിന്റെ മുന്നില്‍ ആന വരുന്നത് നിത്യ സംഭവം രാത്രിയില്‍ ഭീതിയോടെ ഉറങ്ങാതെ കഴിച്ചുകൂട്ടി അരപട്ടിണിയും മുഴുപട്ടിണിയും ആയി പ്ലസ്‌ ടൂ വരെ പഠിച്ച യുവാവ് തികഞ്ഞ പ്രതികൂലാവസ്ഥയില്‍ പോലും കഴിവ് തെളിയിച്ചു. കഴിഞ്ഞ വര്‍ഷം നടന്ന 10000 മീറ്റര്‍ ഓട്ടമത്സരത്തില്‍ സ്വര്‍ണ്ണ മെഡലും, 5000 മീറ്റര്‍ ഓട്ട മത്സരത്തില്‍ വെള്ളി മെഡലും കൂടാതെ കൊല്ലം ജില്ല അമേച്വര്‍ അത്ലറ്റ് 1500, 800 മീറ്റര്‍ ഓട്ടത്തില്‍ സ്വര്‍ണ്ണ മെഡലുകളും സംസ്ഥാനത്ത് വിവിധ മല്‍സരങ്ങളില്‍ ലഭിച്ച സര്‍ട്ടിഫിക്കറ്റുകളും എന്നാല്‍ ഇവ സൂക്ഷിച്ചു വെക്കുവാന്‍ പോലും വേണ്ട സംവിധാനങ്ങള്‍ ഇല്ലാത്ത ഈ യുവാവിന് ആരില്‍ നിന്നും ഒരു പ്രോത്സാഹനവും ഇതുവരെ ലഭിച്ചിട്ടില്ല.ഹരിജന്‍ വിഭാഗത്തില്‍പ്പെട്ട ഈ യുവാവിന് സര്‍ക്കാര്‍ സഹായങ്ങളോ പ്രോല്‍സാഹനങ്ങളോ ലഭിച്ചിട്ടില്ല. സ്പോഴ്സ്‌ താരങ്ങളെ എക്കാലവും അവഗണിക്കുന്നതില്‍ കുപ്രസിദ്ധരായ തെന്മല പഞ്ചായത്ത് മുമ്പ്‌ ഇന്ത്യയെ പ്രതിനിധീകരിച്ച് സ്വര്‍ണ്ണം നേടിയ തോമസ്‌ കുട്ടി എന്ന കായികതാരത്തെയും അവഗണിച്ചത് വാര്‍ത്തയായിരുന്നു സനല്‍ പഞ്ചായത്ത് പ്രസിഡന്റ് ലൈലജയുടെ വാര്‍ഡില്‍ താമസക്കാരന്‍ ആണ് എന്നാല്‍ ഈ യുവാവിന് ലഭിച്ച അംഗികാരങ്ങള്‍ പട്ടികജാതിക്കാരന്‍ ആയതിനാല്‍ പഞ്ചായത്ത് പ്രസിഡന്റ് അവഗണിച്ചു എന്നാരോപണം ഉണ്ട്.
സ്പോഴ്സ്‌ പരിശീലനത്തിനും തുടര്‍പഠനത്തിനും ആഗ്രഹിക്കുന്ന ഈ യുവാവിന്റെ ആഗ്രഹം എങ്ങനെ പൂര്‍ത്തീകരിക്കാന്‍ കഴിയും എന്നറിയാതെ വിഷന്മിക്കുന്ന വികലാംഗനായ പിതാവും,രോഗിയായ മാതാവും മൂന്ന് സഹോദരികളും അടങ്ങുന്ന സ്ഥിര ജോലിയോ വരുമാനമോ ഇല്ലാത്ത ഈ കുടുംബത്തെ സഹായിക്കുവാന്‍ സുമനസുകള്‍ തയ്യാര്‍ ആയാല്‍ ഈ യുവാവ് കേരളീയ സമൂഹത്തിനു ഒരു മുതല്‍ക്കൂട്ടാവും എന്ന കാര്യത്തില്‍ സംശയമില്ല.