ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

തീവണ്ടി കടന്നുപോകാൻ ലെവൽക്രോസ് അടയ്ക്കുന്നതിനിടെ അശ്രദ്ധമായി കടന്നുവന്ന ലോറിയിടിച്ച് ഗേറ്റ്‌ ഒടിഞ്ഞുവീണു


കുന്നിക്കോട് : തീവണ്ടി കടന്നു പോകാൻ ലെവൽക്രോസ് അടയ്ക്കുന്നതിനിടെ അശ്രദ്ധമായി കടന്നു വന്ന ലോറിയിടിച്ച് ഗേറ്റ്‌ ഒടിഞ്ഞുവീണു. ഗേറ്റിന്റെ ഭാഗങ്ങൾ റോഡിനു കുറുകെ കുടുങ്ങിയതിനെത്തുടർന്ന് കുന്നിക്കോട്-പത്തനാപുരം പാതയിൽ അഞ്ചു മണിക്കൂറോളം ഗതാഗതം തടസ്സപ്പെട്ടു. ഗേറ്റ്‌ തകർത്ത ലോറി ആർ.പി.എഫ്. കസ്റ്റഡിയിലെടുത്തു.
വ്യാഴാഴ്ച രാവിലെ എട്ടുമണിയോടെ കുന്നിക്കോട്‌-പത്തനാപുരം പാതയിൽ ആവണീശ്വരം ലെവൽക്രോസിലാണ് സംഭവം. ചെന്നൈ-എഗ്‌മോർ എക്സ്പ്രസ് തീവണ്ടി കടത്തിവിടാൻ ഗേറ്റ് താഴ്‌ത്തുന്നതിനിടെ പത്തനാപുരം ഭാഗത്തേക്ക് പോയ ടോറസ് ലോറിയാണ് അപകടമുണ്ടാക്കിയത്.
ലോറിയുടെ കാബിനിൽ ഇടിച്ച് ഗേറ്റ് തകർന്നുവീഴുകയായിരുന്നു. ഗേറ്റ് പൂർണമായും താഴ്‌ത്തുന്നതിനു മുൻപാണ് ഒരു ഭാഗത്തെ ഗേറ്റ് തകർന്നത്. ഇതുകാരണം മറുഭാഗത്തെ ഗേറ്റ് അടയ്ക്കാനും കഴിഞ്ഞില്ല. ഗേറ്റ് പാളത്തിലേക്ക് പതിക്കാതിരുന്നതിനാൽ ചങ്ങലകൾ കുറുകേയിട്ട് മറുഭാഗത്ത് ഗതാഗതം തടഞ്ഞ ശേഷമാണ് തീവണ്ടി വേഗം കുറച്ച് കടത്തി വിട്ടത്.
ഒടിഞ്ഞു വീണ ഗേറ്റ്‌ റോഡിൽ നിന്ന് ഉയർത്തി മാറ്റാൻ വൈകിയതോടെ ഇതുവഴി കടന്നുവന്ന വാഹനങ്ങൾ വഴിയിൽ കുടുങ്ങി. ഒരുമണിക്കൂറിനുശേഷം ഗതാഗതം പുനഃസ്ഥാപിച്ചെങ്കിലും തകർന്ന ഗേറ്റ്‌ നന്നാക്കാനായി അത് ഉടൻ തന്നെ അടച്ചു.
ഉച്ചയ്ക്ക് ഒന്നരയോടെ ഗേറ്റ്‌ പുനഃസ്ഥാപിച്ച ശേഷമാണ് ഗതാഗതം പുനരാരംഭിച്ചത്‌. ഈ സമയമത്രയും ഗതാഗതം ഇടറോഡുകളിലൂടെ തിരിച്ചു വിട്ടു. അപകടമുണ്ടാക്കിയ ലോറി മലയോര ഹൈവേയുടെ നിർമാണ സാമഗ്രികളുമായി വന്നതാണ്.
അശ്രദ്ധമായി വാഹനമോടിച്ച് റെയിൽവേയ്ക്ക്‌ നഷ്ടമുണ്ടാക്കിയതിന് പുനലൂർ ആർ.പി.എഫ്. കേസെടുത്തു. കസ്റ്റഡിയിലെടുത്ത ലോറി ആവണീശ്വരം റെയിൽവേ സ്റ്റേഷനിൽ സൂക്ഷിച്ചിരിക്കുകയാണ്.

Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.