കൊറോണക്കാലത്തെ പ്രതിസന്ധിയിയെ അതിജീവിക്കാൻ അശാഭാവന്‍ അന്തേവാസികള്‍ക്ക് എ.ഐ.വൈ.എഫിന്റെ കൈത്താങ്ങല്‍

കൊറോണക്കാലത്തെ പ്രതിസന്ധിയിയെ അതിജീവിക്കാൻ അശാഭാവന്‍ അന്തേവാസികള്‍ക്ക് എ ഐ വൈ എഫിന്റെ കൈത്താങ്ങല്‍
എ ഐ വൈ എഫ് പുനലൂര്‍ ഈസ്റ്റ്, വെസ്റ്റ്, സൗത്ത് മണ്ഡലം കമ്മിറ്റികളുടെ നേതൃത്വത്തിൽ പുനലൂർ തുമ്പോട് അശാഭവന്‍ അന്തേവാസികൾക്ക് ഭക്ഷ്യ സാധനങ്ങൾ എത്തിച്ചു നൽകി. അശാഭാവന്‍ ഡയറക്ടർ വർഗീസ് എബ്രഹാമിന് എ ഐ വൈ എഫ് സംസ്ഥാന കമ്മിറ്റി അംഗം വി എസ് പ്രവീൺകുമാർ സാധനങ്ങൾ കൈമാറി.
ദുഖവെള്ളി ലോകം മുഴുവന്‍ ആചരിക്കുന്ന പുണ്യ ദിവസത്തില്‍ ഈ സത്പ്രവര്‍ത്തി ചെയ്യുവാന്‍ കഴിഞ്ഞതില്‍ സന്തോഷം ഉണ്ടെന്ന് സംസ്ഥാന കമ്മിറ്റി അംഗം വി എസ് പ്രവീൺകുമാർ പറഞ്ഞു.
കൊറോണക്കാലത്തെ ഈ പ്രതിസന്ധി ഘട്ടത്തിൽ ഒരു തരത്തിലുള്ള ബുദ്ധിമുട്ടും അശാഭവന്‍ അന്തേവാസികള്‍ക്ക് ഉണ്ടാകില്ല എന്ന ഉറപ്പാണ് ഈ നടപടിയിലൂടെ എ ഐ വൈ എഫ് നൽകുന്നത്.
സാമൂഹ്യ പ്രതിബദ്ധതയോടെ എ ഐ വൈ എഫ് നടത്തുന്ന ഈ സേവനമാണ് പുനലൂര്‍ നിവാസികള്‍ക്ക്‌ കൊറോണ മൂലമുണ്ടായ പ്രതിസന്ധി ഘട്ടത്തിൽ ജീവിതം മുന്നോട്ടു നയിക്കാൻ ആത്മധൈര്യം നൽകുന്നത്.
വിവിധ പ്രശ്നങ്ങള്‍ അഭിമുഖീകരിക്കുന്ന വേളയില്‍ സഹായം ചെയ്ത എ ഐ വൈ എഫ് പ്രവര്‍ത്തകര്‍ക്ക് നന്ദി അര്‍പ്പിച്ചു അശാഭാവന്‍ ഡയറക്ടർ വർഗീസ് എബ്രഹാം സംസാരിച്ചു.
എ.ഐ.വൈ.എഫ് മണ്ഡലം പ്രസിഡണ്ട് ശ്യാം രാജ്, ഡി.വൈ.എഫ്.ഐ സൗത്ത്‌ മേഖലാ സെക്രട്ടറി ലാല്‍ കൃഷ്ണ, എ.ഐ.വൈ.എഫ് വെസ്റ്റ് മേഖലാ സെക്രട്ടറി അനീഷ്, എ.ഐ.വൈ. എഫ് ഈസ്റ്റ്‌ മേഖല സെക്രട്ടറി മനു, എ.ഐ.വൈ.എഫ് മണ്ഡലം പ്രസിഡണ്ട് വിഷ്ണുലാല്‍ എന്നിവർ പങ്കെടുത്തു.