ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

മാരകരോഗങ്ങള്‍ക്ക് ധനസഹായം ജില്ലാ പഞ്ചായത്ത് 50 ലക്ഷം രൂപ അനുവദിച്ചു

കോവിഡ്-19 രോഗപ്രതിരോധവുമായി ബന്ധപ്പെട്ട് ലോക്ക്ഡൗണ്‍ പ്രഖ്യാപിച്ചിരിക്കുന്ന സാഹചര്യത്തില്‍ ജില്ലയിലെ 68 ഗ്രാമപഞ്ചായത്തുകളുടെയും പരിധിയില്‍ വരുന്ന സാമ്പത്തിക പ്രതിസന്ധിമൂലം കഷ്ടപ്പെടുന്ന വൃക്ക രോഗികള്‍, ക്യാന്‍സര്‍ രോഗികള്‍, ഹൃദ്രോഗികള്‍ എന്നിവരെ സഹായിക്കുന്നതിനായി ഗവ 50 ലക്ഷം രൂപ വകയിരുത്തി.
 ജില്ലാ പഞ്ചായത്ത് നടപ്പിലാക്കുന്ന പ്രത്യേക പദ്ധതിയുടെ നിര്‍വ്വഹണ ഉദ്യോഗസ്ഥയായി ജില്ലാ മെഡിക്കല്‍ ഓഫീസറെ ചുമതലപ്പെടുത്തി. ലോക്ക്ഡൗണ്‍  കാലയളവില്‍ എപ്രില്‍ 17 മുതല്‍ മെയ് മുന്ന് വരെ ഡയാലിസിസിന് വിധേയരാകുന്ന രോഗികള്‍ക്ക് ഡയാലിസിസ് ഒന്നിന് 650 രൂപ ക്രമത്തില്‍ ലഭിക്കും.  വൃക്ക മാറ്റിവയ്ക്കല്‍ ശസ്ത്രക്രിയ കഴിഞ്ഞ രോഗികള്‍, ക്യാന്‍സര്‍ രോഗത്തിന് കീമോതെറാപ്പി, റേഡിയേഷന്‍ ചികിത്സ ചെയ്യുന്ന രോഗികള്‍, ബൈപാസ് സര്‍ജറി നടത്തിയ രോഗികള്‍ എന്നിവര്‍ക്ക് 2,500 രൂപ ക്രമത്തിലും ധനസഹായം നല്‍കും. അര്‍ഹരായവര്‍ക്ക് അപേക്ഷ ഫോറം പ്രാഥമികാരോഗ്യകേന്ദ്രങ്ങളില്‍ നിന്നും ലഭിക്കും. പൂരിപ്പിച്ച അപേക്ഷയും അനുബന്ധ രേഖകളും മെഡിക്കല്‍ ഓഫീസര്‍മാര്‍ പരിശോധിച്ച്  ശുപാര്‍ശ സഹിതം ജില്ലാ മെഡിക്കല്‍ ഓഫീസില്‍ മെയ് അഞ്ചിനകം നല്‍കണമെന്ന് ഡി എം ഒ അറിയിച്ചു. സര്‍ക്കാര്‍, അര്‍ധസര്‍ക്കാര്‍, പൊതുമേഖലാ സ്ഥാപനങ്ങള്‍ എന്നിവിടങ്ങളില്‍ നിന്നും ശമ്പളം, പെന്‍ഷന്‍ എന്നിവ കൈപ്പറ്റുന്നവരും മെഡിക്കല്‍ റീഇംബേഴ്‌സ്‌മെന്റ് ആനുകൂല്യം ഉളളവരും പദ്ധതി പ്രകാരം അര്‍ഹരല്ല.
Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.