ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

ആശുപത്രി വൃത്തിഹീനം; ഗണേഷ്​കുമാർ എം.എല്‍.എയുടെ നേതൃത്വത്തിൽ വൃത്തിയാക്കി.Hospital filth; Ganesh Kumar MLA led the clean-up.


ആശുപത്രി വൃത്തിഹീനം; ഗണേഷ്​കുമാർ എം.എല്‍.എയുടെ നേതൃത്വത്തിൽ വൃത്തിയാക്കി.
ആരോഗ്യകേന്ദ്രത്തിലെ വൃത്തിഹീന സാഹചര്യം കണ്ട്​ പ്രകോപിതനായ കെ.ബി. ഗണേഷ്​​കുമാർ എം.എൽ.എ വൃത്തിയാക്കലിന്​ നേതൃത്വം നൽകി.

കൊല്ലം തലവൂര്‍ നടുത്തേരിയില്‍ പ്രവര്‍ത്തിക്കുന്ന പത്തനാപുരം താലൂക്ക് ആയുര്‍വേദ ആശുപത്രിയിലായിരുന്നു സംഭവം. 

മൂന്ന് കോടി രൂപ ചെലവഴിച്ച് ഉദ്​ഘാടനത്തിന് സജ്ജമായ ആശുപത്രിയുടെ പ്രവര്‍ത്തനങ്ങള്‍ വിലയിരുത്താനെത്തിയതായിരുന്നു അദ്ദേഹം. തറയോട്​ പാകിയ ഭാഗം മുഴുവന്‍ അഴുക്കും മാലിന്യവും നിറഞ്ഞിരുന്നു. 

ഫാര്‍മസിയിലെ മരുന്ന്​ സൂക്ഷിക്കുന്ന അലമാരകള്‍ പൊടിയും വലയും നിറഞ്ഞ നിലയിലായിരുന്നു. കുപ്പികളിലെ മരുന്നുകള്‍ പുറത്തേക്ക് ഒലിച്ച് നശിച്ച നിലയിലായിരുന്നു. 

ആറ് മാസം മുമ്പ് തുറന്നു കൊടുത്ത ശൗചാലയങ്ങള്‍ വരെ തകര്‍ന്നു. എം.എൽ.എ ആശുപത്രി ജീവനക്കാരുടെ മുന്നില്‍ വെച്ച് തറ തൂക്കുകയും തുടക്കുകയും ചെയ്തു. 

ആശുപത്രിയിലെ ക്ലീനിങ്​ ജീവനക്കാരെക്കുറിച്ച വിവരം ഗണേഷ്​ കുമാര്‍ പരിശോധിച്ചു. കൃത്യമായി ജോലി ചെയ്യാത്തവരെ പിരിച്ചു വിടണമെന്നും ആവശ്യമെങ്കില്‍ പുതിയ ആളുകളെ നിയമിക്കണമെന്നും മെഡിക്കല്‍ ഓഫിസർക്ക്​ നിര്‍ദേശം നൽകി. 

അതേസമയം ഉദ്യോഗസ്ഥരുടെ പ്രവർത്തന സ്വഭാവവും വകുപ്പിലെ മനുഷ്യവിഭവശേഷിയും മനസ്സിലാക്കി പ്രതികരിക്കുകയും പോരായ്മകൾ പരിഹരിക്കുകയും ചെയ്യേണ്ട ജനപ്രതിനിധി, പരിമിത സാഹചര്യങ്ങളിലും മികച്ച സേവനം നൽകുന്ന ഡോക്ടർമാരെയും ആശുപത്രിയെയും സമൂഹമാധ്യമങ്ങളിൽക്കൂടി ഇകഴ്ത്താൻ ശ്രമിക്കുന്നത് നല്ല പ്രവണതയല്ലെന്നും ഇതിൽ പ്രതിഷേധിക്കുന്നതായും കേരള സ്റ്റേറ്റ് ആയുർവേദ മെഡിക്കൽ ഓഫിസേഴ്സ് അസോസിയേഷൻ സംസ്ഥാന ജനറൽ സെക്രട്ടറി ഡോ. വി.ജെ. സെബി, കേരള ഗവ. ആയുർവേദ മെഡിക്കൽ ഓഫിസേഴ്സ് ഫെഡറേഷൻ സംസ്ഥാന ജനറൽ സെക്രട്ടറി ഡോ. എസ്. ദുർഗാപ്രസാദ് എന്നിവർ പ്രസ്താവനയിൽ വ്യക്തമാക്കി.  

ന്യൂസ്‌ ബ്യുറോ പത്തനാപുരം

Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.