ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

മാനന്തവാടി-വയനാട് വന്യജീവി സങ്കേതത്തിലെ വിലക്ക് അവഗണിച്ച് കാട്ടാനകളുടെ ഫോട്ടോയെടുത്ത് സഞ്ചാരികള്‍.Mananthavady-Wayanad Wildlife Sanctuary

മാനന്തവാടി-വയനാട് വന്യജീവി സങ്കേതത്തിലെ വിലക്ക് അവഗണിച്ച് കാട്ടാനകളുടെ ഫോട്ടോയെടുത്ത് സഞ്ചാരികള്‍.

മാനന്തവാടി-വയനാട് വന്യജീവി സങ്കേതത്തിലെ തോല്‍പ്പെട്ടി റേഞ്ചില്‍ തെറ്റ് റോഡിനു സമീപം വാഹനത്തില്‍നിന്നിറങ്ങി കാട്ടാനകളുടെ ഫോട്ടോയെടുത്ത് സഞ്ചാരികള്‍. കഴിഞ്ഞ ദിവസം നടന്ന ഫോട്ടോയെടുപ്പിന്റെ വീഡിയ പുറത്തുവന്നു.

വന്യജീവി സങ്കേതത്തിലൂടെയുള്ള യാത്രയില്‍ വാഹനത്തില്‍നിന്നിറങ്ങുന്നതിനും വന്യജീവികളുടെ ചിത്രങ്ങളും വീഡിയോയും പകര്‍ത്തുന്നതിനും ഭക്ഷണവസ്തുക്കള്‍ നല്‍കുന്നതിനും വിലക്കുണ്ട്. ഇതുസംബന്ധിച്ച്  പാതയോരത്ത് വിവിധ ഭാഗങ്ങളില്‍ ബോര്‍ഡും സ്ഥാപിച്ചിട്ടുണ്ട്. വിലക്ക് അവഗണിച്ചാണ് സഞ്ചാരികള്‍ തെറ്റ് റോഡില്‍ കാട്ടാനകളുടെ ഫോട്ടോയെടുത്തത്. ഇതു അപകടരമാണന്ന് പറഞ്ഞവരോട് ഇവര്‍ തട്ടിക്കയറുകയുമുണ്ടായി. ദേശീയപാത 766ല്‍ കര്‍ണാടകയിലെ ബന്ദിപ്പുര കടുവാസങ്കേതം പരിധിയില്‍ റോഡിലിറങ്ങിയ യുവാക്കളെ ആന ഓടിക്കുന്നതിന്റെ വീഡിയോ കഴിഞ്ഞ ദിവസം സമൂഹമാധ്യമങ്ങളില്‍ പ്രചരിച്ചിരുന്നു.

ടൂറിസം സീസണ്‍ ആരംഭിച്ചതോടെ വയനാട്ടില്‍ വനാതിര്‍ത്തികളിലുള്ള  റിസോര്‍ട്ടുകളിലും ഹോംസ്‌റ്റേകളിലും ധാരാളം സഞ്ചാരികള്‍ എത്തുന്നുണ്ട്. ടൂറിസ്റ്റുകളെ രാത്രി വാഹനങ്ങളില്‍ ട്രക്കിംഗിനു കൊണ്ടുപോകുന്നതു പതിവുകാഴ്ചയാണ്. ബാവലി, തിരുനെല്ലി, തോല്‍പ്പെട്ടി ഭാഗങ്ങളിലാണ് രാത്രി  ട്രക്കിംഗ് കൂടുതല്‍. കാട്ടിലൂടെയുള്ള നിരത്തുകളില്‍ വാഹനങ്ങള്‍ നിര്‍ത്തി വന്യജീവികളുടെ ചിത്രമെടുക്കുന്നതിനും രാത്രി വനമേഖലയില്‍ വന്യമൃഗങ്ങള്‍ക്ക് ശല്യമാകുന്ന രീതിയില്‍ ട്രക്കിംഗ് നടത്തുന്നതിനും എതിരേ കര്‍ശന നടപടിക്ക് ഒരുങ്ങുകയാണ് വനം വകുപ്പ്.
Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.