ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

പുനലൂർ നഗരസഭ കൗൺസിൽ യോഗത്തിൽ നാടകീയ സംഭവ വികാസങ്ങൾ.ഭരണപക്ഷ അംഗം ഷൈൻ ബാബു കൗൺസിൽ ബഹിഷ്കരിച്ചു.Dramatic developments at Punalur Municipal Council meeting. Shine Babu, a member of the ruling party, boycotted the council.

പുനലൂർ നഗരസഭ കൗൺസിൽ യോഗത്തിൽ നാടകീയ സംഭവ വികാസങ്ങൾ.ഭരണപക്ഷ അംഗം ഷൈൻ ബാബു കൗൺസിൽ ബഹിഷ്കരിച്ചു.

പുനലൂർ നഗരസഭ കൗൺസിൽ യോഗത്തിൽ നാടകീയ സംഭവ വികാസങ്ങൾ. ഭരണ സമിതിക്കെതിരെ അതിനിശിത വിമർശനമുയർത്തി ഇടത് പക്ഷത്തെ കേരള കോൺഗ്രസ് (ബി) പ്രതിനിധിയായ കൗൺസിൽ അംഗം പൊട്ടിത്തെറിച്ച ശേഷം ബഹിഷ്ക്കരിച്ചു. ഭരണ സമിതിയെ വിമർശിച്ച ഭരണപക്ഷ അംഗത്തിന് പിന്തുണയുമായി യു.ഡി.എഫ് നേതൃത്വവും.

കൗൺസിൽ ഹാളിൽ യോഗം ആരംഭിച്ച ഉടനെ കേരള കോൺഗ്രസ് (ബി) പ്രതിനിധി പത്തേക്കർ വാർഡ് കൗൺസിലർ ഷൈൻ ബാബു താൻ കൂടി ഉൾപ്പെട്ട ഭരണ സമിതിക്കെതിരെ നിശിത വിമർശനവുമായി എഴുന്നേറ്റു. 

പിടിപ്പുകെട്ട ഭരണനേതൃത്വമാണെന്നും ചില ആളുകൾ ഭരണത്തിൻ്റെ തണലിൽ അനർഹമായി നിയമനങ്ങൾ നടത്തുകയാണെന്നും ഇടതുപക്ഷത്തിൻ്റെ ഭാഗമായ തന്നെ നിരന്തരമായി അവഗണിക്കുകയാണെന്നും പറഞ്ഞു. 

ഒന്നര വർഷം പിന്നിട്ടിട്ടും തെരുവു വിളക്കുകൾക്കായി ഒരു വാർഡിൽ 30 ബൾബുകൾ മാത്രമാണ് നൽകിയിട്ടുള്ളു എന്നും കുടിവെള്ള പ്രശ്നം അടക്കമുള്ള ജനകീയ പ്രശ്‌നങ്ങളിൽ നിന്നും ഭരണ സമിതി ഒളിച്ചോടുകയാണെന്നും പ്രതിപക്ഷ വാദങ്ങളാണ് പ്രസക്തമെന്നും ഷൈൻ ബാബു പറഞ്ഞു. ഭരണ സമിതി അംഗങ്ങളിൽ പലരും എതിർപ്പറിയിച്ചതോടെ ഷൈന് പിന്തുണയുമായി പ്രതിപക്ഷവും രംഗത്തു വന്നു.
അജണ്ടയിലേക്ക് കടക്കുവാൻ ഭരണ സമിതി ശ്രമിച്ചതോടെ ആരോപണങ്ങൾക്ക് മറുപടി പറഞ്ഞിട്ട് അജണ്ട  മതിയെന്ന് പ്രതിപക്ഷം നിലപാടെടുത്തു. 

ഭരണ സമിതി അംഗങ്ങൾ പറഞ്ഞ മറുപടി തൃപ്തികരമല്ലെന്ന് പറഞ്ഞു കൊണ്ട് ഷൈൻ ബാബു യോഗത്തിൽ നിന്നും ഇറങ്ങിപ്പോയി.

ഭരണ സമിതി അംഗങ്ങൾ തന്നെ പിടിപ്പുകേട് പുറത്തു പറഞ്ഞു തുടങ്ങിയെന്നും കെടുകാര്യസ്ഥതയും സ്വജനപക്ഷപാതവുമാണ് ഇവരുടെ മുഖമുദ്രയെന്നും ഇടത്പക്ഷ അംഗം തന്നെ പറഞ്ഞ സ്ഥിതിക്ക് അധികാരത്തിൽ തുടരാൻ ഇവർക്ക് ധാർമ്മികമായ ഉത്തരവാദിത്വം നഷടപ്പെട്ടെന്ന് യു.ഡി.എഫ് പാർലമെൻ്ററി പാർട്ടി ലീഡർ ജി.ജയപ്രകാശ് പറഞ്ഞു.

Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.