ലോകം മുഴുവന്‍ കോവിഡ് ഭീഷണിയില്‍ കഴിയുന്ന ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് പുനലൂര്‍ ന്യുസ് അഭ്യര്‍ത്ഥിക്കുന്നു. ഇതൊരു യുദ്ധമാണെന്നും വിജയം മാത്രമാണ് നമ്മുടെ ലക്ഷ്യമെന്നതും മറക്കാതിരിക്കുക,

പുനലൂര്‍ താലൂക്കാശുപത്രിക്ക് എതിരായ 
ആരോപണങ്ങൾ ഹൈക്കോടതി തള്ളി.The High Court rejected the allegations against Punalur Taluk Hospital

പുനലൂര്‍ താലൂക്കാശുപത്രിക്ക് എതിരായ 
ആരോപണങ്ങൾ ഹൈക്കോടതി തള്ളി.

പുനലൂർ താലൂക്കാശുപത്രിക്കും സൂപ്രണ്ടിനുമെതിരെ സാമ്പത്തിക ക്രമക്കേടും അഴിമതിയും ആരോപിച്ച് സ്വകാര്യവ്യക്തി ഫയൽചെയ്ത റിട്ട് ഹർജി ഹൈക്കോടതി തള്ളി. 

പുനലൂർ ചെമ്മന്തൂർ ലത്തീഫ് മൻസിലിൽ അബ്ദുൽ സലാം നൽകിയ ഹർജിയാണ് ആരോപണങ്ങളിൽ കഴമ്പില്ലെന്നു കണ്ട് ഹൈക്കോടതി തള്ളിയത്. 

അനധികൃത സ്വത്ത് സമ്പാദനം, നിർമാണഫണ്ട് അഴിമതി, 13 വർഷമായി ഒരേ ആശുപത്രിയിൽ സൂപ്രണ്ടായി തുടരുന്നു, 300 ജീവനക്കാരെ ഒഴിവുകൾ റിപ്പോർട്ട് ചെയ്യാതെ പിൻവാതിലിലൂടെ നിയമിച്ചു, നിയമവിരുദ്ധമായി ആശുപത്രി രേഖകൾ നശിപ്പിച്ചു തുടങ്ങിയ ആരോപണങ്ങൾ ഉന്നയിച്ചായിരുന്നു ഹർജി ഫയൽ ചെയ്തത്. 

എന്നാൽ, വിജിലൻസിന്റെ പരിശോധനാ റിപ്പോർട്ടിൽ ആരോപണങ്ങൾ അടിസ്ഥാനരഹിതമാണെന്ന് കണ്ടെത്തിയതിനെ തുടർന്നാണ് കോടതി ഹർജി തള്ളിക്കളഞ്ഞത്.
13 മത്തെ പഞ്ചവത്സര പദ്ധതിയിൽ സർക്കാർ മാതൃകയായി പരാമർശിക്കുന്നത് പുനലൂർ താലൂക്കാശുപത്രി ആണെന്നും താലൂക്കാശുപത്രിയുടെ അസൂയാവഹമായ വളർച്ചയും സേവനങ്ങളുമാണ് ആരോപണങ്ങൾക്ക് നിദാനമെന്നും അന്വേഷണ ഏജൻസികൾ നൽകിയ റിപ്പോർട്ടിന്റെ അടിസ്ഥാനത്തിൽ കോടതി നിരീക്ഷിച്ചു. 

സ്വകാര്യ ആശുപത്രികളിൽ ഇല്ലാത്ത സംവിധാനങ്ങൾ പുനലൂർ താലൂക്കാശുപത്രിയിലെത്തിച്ചതും പൊതുജനങ്ങൾക്ക് മികച്ച സേവനങ്ങൾ ലഭ്യമാക്കിയതും ആരോപണങ്ങൾക്ക് ഇടയാക്കി. 

തുടർന്ന് ഹർജിക്കാരന്റെ വാദങ്ങളെല്ലാം കഴമ്പില്ലെന്നു കണ്ട് കോടതി തള്ളിക്കളയുകയായിരുന്നു. ഹൈക്കോടതി ജഡ്ജി കെ ബാബു ആണ് വിധി പുറപ്പെടുവിച്ചത്. ഹൈക്കോടതി പരാമർശം സർവീസിനിടയിലെ  വലിയ അംഗീകാരമാണന്ന്‌ താലൂക്കാശുപത്രി സൂപ്രണ്ട് ഷാഹിർഷാ പറഞ്ഞു.

Labels:

ഒരു അഭിപ്രായം പോസ്റ്റ് ചെയ്യൂ

അറിയിപ്പ്

ഇവിടെ പോസ്റ്റു ചെയ്യുന്ന അഭിപ്രായങ്ങൾ പുനലൂര്‍ ന്യൂസിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.അവഹേളനപരവും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
[facebook]

Subscribe Youtube Punalur News

Author Name

Admin

കോൺടാക്റ്റ് ഫോം

നാമം

ഇമെയില്‍ *

സന്ദേശം *

Blogger പിന്തുണയോടെ.